TANGIANG NA SALAH ALAMAT
Oleh
St. B. Rambe


Songon I do huroa ngolu ni hajolmaon.
Molo tikki tabo do ngolu I, jot-jotan do hita lupa, manghamauliatehon tu Debata akka basa-basa na tajalo. Na tung mansai ironis na, tubu gijang ni roha, manghaginjangkon hamaloon dohot habisukon na majalahi ngolu, dohot maloni na mangulahon ulaon.
Ta sadari do nian, sude ngolu na di portibion, ala asi ni rohana sambing do. Alai mamikkiri on ma hita sipata guga pikkiran ta, Alana ndang sarupa parngoluon nijolma. Boasa si gulontam, anakni naso umboto golpa di hita an, hape sahat di Jakarta on, sai songon na marmual hepeng na, ia si Julla nunga leleng jala termasuk na boi mangihut-ihut do anggo di parbinotoan, jala benget do mula-ulaon burju jala pattun.Hape laos so boi survive di parhepengon. Mamikkiri on ma sipata, akka dongan mangingot poda ni natua-tua na mandok, “molo litok aek di jae, tikkiron ma tujulu” lapatanna, songon hata sileban na mandok, “eling”
Songoni ma sada ngolu ni sahalak dongan ima si Julla, di pangarantoan. Hira serat rajokkina di hilala, gabe tubu rohana mangarimangi, aha na salah, aha dosa na mangissobbut di di si Julla?
Latar belakang ni si Julla on, ima anak ni sahalak porhanger naung passiun (guru huria)diu hutana. Jala partuhanon pe tung mansai gomos do di tiop ibana. Jala tartanom do dibagasan rohana songon nidok ni jamita I, “sude ngolu on, holan asi ni roha sambing do” Mangingot I ma si Julla, manongos surat ma tu natua-tua na, dohot hepeng sekedar, asa diboan pandita sada tangiang khusus, asa dapotan passarian jampalan na lumomak. Songon hamauliateon na, ima hepeng nasekedar nakining.
Las do roha ni amanta guru huria na pessiun nakkining, pittor humalaput do amanta on, pasahathon tu pandita, asa diboan di tangiang pangondianon ari minggu, asa mura akka rajokki ni anak na diparjalangan. Disukkun amanta pandita ma guruhuria passiun I, didia do tinggal anak mu pangaranto i?. mangalusi sukkun-sukkun ni pandita I songon na ngongong do guru passiun i. Alai hatopma di alusi, di Jakarta do amang.
Jonok hata ni suhutan, di jalo Tuhan I do tangiang ni amanta pandita I, jala di suru Tuhan ima malekat na, sebagai utusan pasahathon rajokki ni si Julla, anak ni guru huria i. Sai mangareap-reap ma malekati mangalului inganan ni si Julla, mulai sian tonga kota sahat tu sugut-sugut ni kota Jakarta. Akka inganan na jonok tu batas-batas Jakarta pe nunga di lului. Ndang dapot maekat i. Nunga loja, jala nunga sude kota Jakarta dilului ndang adong. Ujung na mulak ma malekat I, diboan ma muse mulak rajokki I tu nappunasa, jala laos so sahat tu si Julla anak ni guru huria pasiun i. Hape di Cikupa Tengerang do tinggal si Julla anak ni guru huria pasiun i. Bage ndang sahat tu alamat ni si Julla rajokki i. (BR)



HAPUTUSAN RAJA NI BIANG
Oleh; Jaullus
Di na sadari, mago do Menteri Lingkungan Hidup ni harajaon ni biang. Massai tarsonggot do raja ni biangi. Di suru mamangalului. Nunga sahat tu Interpol dohot tu CIA ni biang di portibion, atik na adong mafia internasional penculikan. Tong laos so dapot. Di kerahkan ma pasukan ahli DNA dohot ahli forensic tu lapo parmanganan ni halak Batak dohot Manado, dohot sasaran akka holi-holi na adong di humaliang lapo i. Tong do laos so adong na boi mambaen hatorangan di par mago ni Menteri Lingkungan Hidup nasida i.
Di parettahon raja ni biang I ma mangalului tu rabba bolak, ai na ringgas do menteri LH nai lao sahalakna paresohon hasesega ni rabba bolak lumobi ma dung adong seruan Global Warning. Di sisir ma akka rabbai, dapot ma tutu menteri LH ni biang i.
Diparettahon raja ni biang I ma muse tu pejabat na na martugas di penulikkiton (intelijen), boasa boi mate songon I?, aha Alana?
Hasil panulikkiton ni intelijen dohot kesimpulanna tar songonon ma. “Hamamate ni menteri Lingkungan Hidup, ditinggang hau, ala na buang air kecil di bona ni hau I” Tung massai tragis do di hilala raja ni biang I suang songon I nang rayat ni biang sude na sa harajaon i.
Manuntut ma rayat ni biang. Di dok ma tu raja nasida i. “raja nami, namasa tu menteri LH I, boi do masa tu hami rayat. Boha do saran ni rajai asa unang tarjadi tu hami rayat on?” Roma raja ni biang I didok ma mangalusi. “Dang holan tu hamu na hu rajai, boi do tarjadi na songon i. Alai tu sude bangsotta na adong di Negara na asing”. Songon na mangalusi tuntutan jaminan keamanan na tinuntut ni rayat biang nakkining, di baen raja ni biang I ma seruan, tu sandok bangso biang, “asa molo mambolokkon aek na ni inum I tu batang ni hau manang na tu tembok, sada pat (kaki) ikkon tukkolhononhon tu hau manang na tu tembok. Asa molo adong hasurigaan lao maruppak, asa pittormarlojong ma sian inganan i.”
Ido alana, sahat tu sadari on, molo mambolokkon na ni inum na biang, ikkon sai ditukkolhan do sada pat nai tu hau manang tu tembok habuangan ni aek na ni inum na i. (jaullus (raja mullus-ullus)